Alles über d'Prattler Fasnacht
Liebi Clique vo dr Prattler Fasnacht 2022
Obwohl mir Euch immer nonig chönne garantiere, dass dr Prattler Fasnachts-Umzug am Sunntig, 6. Määrze 2022 am Zwoi (14.00h) cha starte, hei mir d’Aamäldig drfür
ab sofort uff Eusere Homepage (https://www.prattler-fasnacht.ch/download) uffgschalte. Dir heit richtig gläse —:) au mir wärde immer digitaler und lehre drzue.
Uff dr Homepage chönned Dir s’Aamäldeformular und s’Formular für d’Blagedde-Bschtellig aabelade, ussfülle und denn beidi Excel-Formular an folgendi E-Mail-Adrässe schicke: info@prattler-fasnacht.ch
Mir hoffe einersits immer no voller Tatedrang, dass d’Fasnacht in gwohnter Form cha stattfinde und anderersits, dass au Euche Enthusiasmuss immer no vorhande isch und Dir au mitmached.
Dänked au dra: Je meh Blagedde Dir verchaufed, umso grösser isch Euche Gwünn…
D’Verchaufs-Priise bliebe vorderhand glich (35.— Gold/ 13.— Silber/ 7.— Kupfer) / Dr Rabatt gsehn Dir im Plakettenbestell-Formular (Lasche : Info-Blatt)…
Do au nomool dr Uffruef: D’Blagedde-Vernissage isch am Frytig, 7. Jänner 2022 ab 19.00 im Schlosshof in Prattele. (Zertifikatspflicht, resp. 3G-Regelig).
Mir freue Eus, Euch denn wieder emool (oder au s’erschtmool) persönlich aazträffe.
Also jetzt, sofort an Compi und aamälde ——:) (Au unter "Fasnachts-Infos" uf derä Website)
Allerliebschti (Vor-)fasnächtlichi Griess vom Fako Prattele
Peter Lüdin, Obmaa
