Das isch d'Jubiläums-Blagette D Zyt vergoht, aber s 50er-Jubiläum stoht | Do findsch alli Blagette sit 1966 Alli Blagette sit 1966 |
| Blatt 1 | Blatt 2 |
| «Es isch sowyt – s het gschlage», hets 1966 ghäisse. Jetz, im Joor 2015, schlohts wider – und zwar zümpftig: Zum fufzigschte Mol findet dr Fasnachtsumzug statt. Das Jubiläum wäi mer mit ere bsundere «Feschtschrift» fyyre. E groosses Dankerschöön goht derby an die drei Hauptsponsore. Numme dank dr Hilf vo dr Bürgergmäin, dr Yywohnergmäin und em Kanton isch das Wärk so witzig und sprützig worde. Alli kenne mi, aber fascht niemer wäiss, vo wo as i chumm. I ha d Ehr, mit öich dur die farbig Jubiläumsschrift z fliege. Zämme wäi mer d Gschicht und s Bruuchtum rund um d Prattler Fasnacht erkunde und die prächtig Blagettegalerie bestuune. | Ich ha scho bi de Grieche und de Römer dient. Im Mittelalter han i Rüschtige gschmückt, Schilder, Standarte und d Ritterbruscht, jo, d Eptinger und spöter d Prattler häi mi sogar zu ihrem Wappetier erkore. Früecher bin i uf Chrüzzüüg um d Wält gräist. Hüt isch Prattele my Revier. I zier d Homepage vo dr Gmäin, d Fahnen am erschten Auguscht und fascht jede Veräin schmückt sich mit mynen edle Fäädere. Sogar e Hochhuus isch uf my Name tauft. I bi in Stroossenäme verewiget – und s isch wohr: Au uf dr Fasnachtsblagette posier ich jedes Joor. So bin ich lut Häimatkund gwüss käi Tschamauch. Uf em Wappe «stürz» ich nach linggs, |
| Blatt 3 | Blatt 4 |
| d Chrallen und dr Schnabel si rot. I blyyb neutral, flieg ab dur d Mitti und due Prattele bi allne Glägehäite, 365 Dääg im Joor, mit Stolz und Freud begläite. Syt em 13. Joorhundert kräis ich au über dr «vastnaht». Scho immer isch s fasnächtlige Tryyben e Pulverfass gsi, wo d Obrigkäit gfürchtet het. Hüt wird s Gscheh an dr Fasnacht vo Pfyffer, Drummler, Guggemuusige, Wageclique und Schnitzelbänkler uf de Stroosse, in de Bäizen und Chäller mit schreege | Döön, spitziger Fäädere, drääfe Sprüch und luschtige Helge uf e Punkt brocht. Usglassen und fröhlig isch me zämme wie eh und je und trinkt männgisch au äin über e Durscht. Das sell no lang eso blyybe! Sogar dr Liebgott mäint do churz und troche: Wäg däm höllische Durenand wird d Frau Fasnacht no häilig gsproche. So, jetzt häissts aber feschtchralle, duurestarten und Syte für Syten im Tiefflug gniesse. Vill Vergniege! |
Do e paar alti Fasnachtsfoti